O Concello de Neda informaba esta mañá de que, a partir de hoxe, o Centro Cívico Ramón Millarengo reabre as súas portas. Punto de encontro e reunión para as persoas maiores do municipio, que acuden habitualmente a ler a prensa ou botar a partida, farao de luns a venres en horario de tarde, de 15,30 a 19,30 horas.
En todo caso, será seguindo o protocolo covid-19 para estes espazos e coas medidas establecidas, como o uso da máscara, distanciamento social e desinfección de mans, entre outras.
