O alumnado de Neda protagoniza a Marcha polo Bo Trato convocada polo Concello con motivo do Día da Eliminación da Violencia contra a Muller

Google+ Pinterest LinkedIn Tumblr +

Hoxe, Día Internacional da Eliminación da Violencia contra a Muller, o alumnado dos coles de San Isidro e Maciñeira e do IES Fernando Esquío encabezaba a Marcha polo Bo Trato convocada polo Concello de Neda. Pasadas as once da mañá iniciaban a andaina dende o Albergue Municipal de Peregrinos, portando mensaxes reivindicativas contra a violencia de xénero, e acompañados/as no seu percorrido por Protección Civil.

Alcanzaban a praza da casa consistorial media hora despois para tomar a palabra e ler diferentes textos elaborados nas aulas centrados, especialmente, na igualdade e condea da violencia. Frases curtas e redaccións máis amplas misturáronse nas intervencións dos diferentes cursos, nas que tamén houbo música e performance -neste caso, un baile con música de Rozalén á que a rapazada puxo letra en lingua de signos-.

O acto, centrado nos máis novos e novas, concluíu coa lectura dunha declaración institucional, disponible na web municipal.

Share.

Comments are closed.