O pavillón municipal Ale de Paz converterase unha tempada máis a sede da Liga Social de fútbol sala de Ferrol. Un total de 10 equipos participarán nesta competición sénior, que arranca esta fin de semana, e que rematará, tras 18 xornadas, a finais do mes de abril.
Cada sábado pola tarde, o polideportivo do Concello de Neda albergará a totalidade dos partidos desta liga regular, organizada pola Real Federación Galega de Fútbol. E así, as persoas afeccionadas ao fútbol do municipio terán a oportunidade de desfrutar semanalmente dun total de cinco enfrontamentos consecutivos, protagonizados por equipos de Ferrolterra. Todo un plan para os sábados.
Na primeira xornada, Nuevo Minueto-Radio Car, gañador da pasada tempada, tras revalidar o título, xogará fronte ao Caranza Fútbol Sala, a partir das 16 horas. O F.S. Santa Mariña do Monte/Cátering Ferrolterra enfrontarase xusto despois ao DP Abogados/ Reformicasa. O terceiro partido (18 h) disputarano Estrella del Muelle e Ferrol Caló. O Club deportivo A Solaina medirase ao Fútbol sala Narón. E finalmente, a partir das 20 horas, SCD Roxal/Trasanquesa/Rincón de Trini tratará de imporse ao C.M.I. Unidad de Fene F.S.
A administración local e a Real Federación rubricaban por primeira vez en decembro do 2021 un acordo para facer da localidade o centro desta liga na comarca. Na pasada temporada, a competición se estiraba ademais coa celebración coa posta en marcha da Copa Sénior de fútbol sala Concello de Neda.
