Xoves, Agosto 11

Mañá arrinca “Neda a petiscos” con degustacións de produtos das panaderías da vila na hostalería local

Google+ Pinterest LinkedIn Tumblr +

O Concello activa a partir de mañá sábado, e durante toda a ponte, o programa “Neda a petiscos”. A proposta gastronómica busca promocionar os produtos das panaderías locais, invitando a veciños, turistas e peregrinos a saborealos, acompañando ás súas consumicións nos establecementos de hostalería da vila. Do 4 ao 8 de decembro, irán rotando os locais que servirán as lambiscadas.

Así, cada día servirase de mañanciña nun establecemento un doce elaborado por unha das dez panaderías participantes (bola de ovo, proia ou bica, segundo a elección do negocio) e noutros dous poderanse catar de balde na hora dos viños empanadas procedentes de distintos fornos do municipio. Produtos que o Concello entregará gratuitamente aos 15 locais hostaleiros que se suman a esta ruta de sabor 100% nedense.

O sábado 4 de decembro as citas de “Neda a petiscos” terán lugar en La flor de mayo – na hora do almorzo- e, ao mediodía, no bar Chámalle como queiras e na Taberna O Carreiro. O domingo, a ruta recalará en La Cortesa, O Recuncho e O Lagar. No Día da Constitución, as lambiscadas chegarán ao Bar O Rubio, Jupe e O Fumazo. O martes, ao Bar Graña e ao café bar Albarón. E a iniciativa rematará o mércores 8 con degustación de bica no bar Oriental e empanadas na Cantina do Roxal e no gastrobar Harina & Brasa. Ademais, durante toda a ponte, os turistas que pernocten na Pensión Maragoto poderán desgustar tamén doces feitos en Neda.

O Concello agradece a implicación nesta campaña de exaltación dos produtos de pan de Neda de dez das trece panaderías da localidade -La Nueva, O Carrizo, J. Castro Hermanos, Panificadora Germán, Santa Rita, La Gallega, Modesto Hermida, Forno de Binuca, Viuda A. Romero e o Forno de Liñares- e . Finalmente, convídase á cidadanía a participar, sempre respectando as medidas de prevención fronte á covid.

Share.

Comments are closed.