Na véspera do Día Internacional de Orgullo LGTBQIA+, Neda súmase á campaña ‘Liberdade de ser e sentir’, que impulsa a Deputación da Coruña. Unha iniciativa que reivindica a diversidade sexual, e o dereito de todas as persoas, independentemente das súa orientación sexual e identidade, a vivir con dignidade, sen medo, sen violencia e sen discriminación. Unha loita coa que o Concello se compromete, impulsando ao longo do ano accións de sensibilización fronte aos discursos de odio, e apoiando proxectos como o Lab LGBT+ para acompañar á rapazada na diversidade sexual.
