O Concello de Neda vén de publicar a listaxe oficial de nenas e nenos admitidos no campamento gratuíto de verán “Neda concilia”, que se desenvolverá durante todo o mes de xullo nas instalacións do CEIP San Isidro. Desta volta, ao ser a oferta de prazas (90) superior á demanda existente (89) non foi preciso baremar, e admitíronse a totalidade das solicitudes de preinscrición presentadas.
As familias deberán agora formalizar a inscrición entre o luns 15 e o xoves 18 de xuño. Na biblioteca municipal facilitarase a documentación que deberán cubrir e entregar nese mesmo servizo municipal no prazo sinalado, en horario de 9 a 13 h e de 17 a 20 h.
O xoves 25 de xuño, a partir das 20 horas, convócase na Casa da Cultura unha reunión para informar sobre o desenvolvemento do campamento municipal.
Listado de menores admitidos no campamento Neda Concilia 2026
